Ginbahin sa duha ka adlaw, Agusto 21kag 22 ang paghatag sang USWAG Ilonggo Party-List sing bulig nga kwarta sa 13,500 ka pumuloyu paagi sa mga programa sang DSWD nga AICS (Assistance to Individuals in Crisis Situation) sa taga-siudad sang Iloilo kag AKAP (Ayuda sa Kapos Ang Kita) para sa taga Segundo distrito sang Iloilo.
“Makita ninyo nga indi lang tiempo eleksyon ang USWAG Ilonggo nagabulig sa aton pumuloyu,” siling ni Congressman James “Jojo” Ang sang USWAG Ilonggo Party-List.
Agud makaigu sing masulhay sa Iloilo sports complex ang 13,500 beneficiaries, ginbahin ang paghatag sang ayuda – para sa 7,500 ka tawo sa adlaw nga Mierkules kag 6,000 sa Hwebes.
Nangin bisita sa okasyon si Rep. Camille Villar kag DILG Sec. Benhur Abalos. Nagtambong man si Rep. Michael Gorriceta, Gov. Arthur Defensor Jr., samtang si Executive Assistant Raisa Treñas nangin tinugyanan sa kahiwatan ni Mayor Jerry Treñas.
Ang mga alkalde nga nagtambong ginlakipan nanday Marina Luz Gorriceta sang San Miguel, Dennis Superficial sang Santa Barbara kag Jofel Soldevilla sang Zarraga.
