Ang public jeepneys nga wala mag-upod sa naglipas na nga consolidation deadline sing Abril 30, 2024 sigurado nga pagadakpon sang Land Transportation Office (LTO) sa tion nga mag-expire ang ila lisensya.
Ini ang pahayag ni Atty. Gaudioso Geduspan, OIC Regional Director sang LTO Western Visayas sa ginhiwat nga press conference karon nga Hwebes, Agosto 15, 2024.
Si Geduspan nagsiling nga ginahatagan ligwa ang Land Transportation Franchising and Regulatory Board sa pagpadala sang “show-cause order” sa unconsolidated jeepney units bangud poder ini sang LTFRB.
Samtang, halos wala epekto sa public transport sang Bacolod City ang 2 ka adlaw, Mierkules kag Hwebes nga “transport strike” sing minoriya nga unconsolidated jeepneys.
